Из жизни 4 класса

Сэтинньи 25 күнүгэр улууска омук тылынан ааҕыылар буолбуттара. Биһиги кылаастан Ларионов Баир – Маленький принц, Пестерев Алгыстаан – Питер Пэн монологтарын аахпыттара. Конкурс түмүгүнэн Ларионов Баир 3 миэстэни ылбыта, Пестерев Алгыстаан  эмиэ ситиһиилээхтик кытынна.

 

 

Сэтинньи 26 күнүгэр Захаров Дима, Ларионов Баир, Пестерев Алгыстаан,  Степанов Степа республиканскай дистанционнай “Веселая грамматика” диэн нуучча тылын олимпиадатыгар ситиһиилээхтик кытыннылар. Ол курдук Ларионов Баир, пестерев Алгыстаан II степеннээх, Захаров Дима III степеннээх дипломунан, Степанров Степа туоһу суругунан наҕараадаланнылар.

Сэтинньи 30 күнүгэр,  Театр сылын чэрчитинэн, олохтоох библиотека үлэһитэ Бубякина Прасковья Романовна, биһиги биир дойдулаахпыт, оскуолабыт выпускницата, Саха республикатын үтүөлээх артыыһа, Никифорова Ирина Афанасьевна туһунан бэрт сэргэх кылаас чааһын ыытта.

Биһиги Ирина Афанасьевнаны театр артыыһа эрэ буолбатаҕын, элбэх киинэлэргэ уһуллубутун, киинэ артыыһын быһыытынан эмиэ биллибит. Ону тэҥэ кини оҕолору артыыс идэтигэр дьарыктыырын эмиэ биллибит. Биир дойдулаахпыт аатынан  киэн туттабыт. Ирина Афанасьевнаҕа өссө үрдүк ситиһиилэри баҕарабыт.